Áskerı paradqa baılanysty Astanadaǵy kólik qozǵalysyna shekteý qoıylady
ASTANA. QazAqparat - 7 mamyr kúni Qazaqstan Respýblıkasy Qarýly kúshteriniń 25 jyldyǵy jáne Jeńis kúnine oraı «Qazaq eli» alańynda áskerı paradtyń ótkizilýi men oǵan daıyndyq sharalaryna baılanysty keıbir kóshelerde kólik qozǵalysyna shekteý qoıylady, dep habarlaıdy elordalyq ІІD baspasóz qyzmeti.
QR Qorǵanys mınıstrligi 2-5 mamyr kúnderi «Qazaq eli» alańynda jattyǵý jáne daıyndyq jumystaryn ótkizedi: 2 mamyr kúni saǵat 12.00-den 14.30-ǵa deıin; 3 jáne 4 mamyr kúnderi saǵat 10.00-den 12.00-ge deıin; 5 mamyr kúni 12.00-den 14.30-ǵa deıin, 7 mamyr kúni 06.00-den 15.00-ge deıin.
Kólik qozǵalysy qaýipsizdigin qamtamasyz etý maqsatynda qalanyń kelesi kóshelerinde qozǵalys shekteledi:
-40-kósheden bastap Baıyrqum kóshesi boıymen Qoshqarbaev kóshesindegi kópir aıyryǵyna deıin;
- Qoshqarbaev kóshesindegi kópir aıyryǵynan bastap B.Momyshuly dańǵylyna deıin;
- Táýelsizdik dańǵyly B.Maılın kóshesinen Nájimedenov kóshesine deıin (mektep);
- Sh.Qaldaıaqov kóshesi MZ kópirinen Táýelsizdik dańǵylyna deıin;
- Nájimedenov kóshesi Sh.Qaldaıaqov kóshesinen Sarykól kóshesine deıingi aralyq;
- A.Baıtursynov kóshesi Qoshqarbaev kóshesinen Sarykól kóshesine deıin;
- Qoshqarbaev kóshesi B.Momyshuly dańǵylynan Sarykól kóshesine deıin;
- B.Momyshuly dańǵyly Sátbaev kóshesinen Daraboz kóshesine deıin;
9 mamyr kúni Jeńis kúnine oraı saǵat 09.00 men 13.00 aralyǵynda «Jaýjúrek polk» jaıaý jáne mehanıkalandyrylǵan kolonnasynyń Táýelsizdik dańǵylymen júrip ótýine baılanysty Qaldaıaqov kóshesinen Pýshkın kóshesine deıingi aralyqtaǵy kólik qozǵalysyna shekteý qoıylady.
«Qala turǵyndary men qonaqtarynyń merekelik sharaǵa qatysýyna shekteý joq. Osyǵan oraı, jáne jol boıyndaǵy keptelisterdi boldyrmaý maqsatynda qozǵalystyń ońtaıly baǵytyn aldyn-ala tańdap alý mańyzdy»,- deıdi Astana qalasy ishki ister departamentiniń baspasóz qyzmeti.
