Áskerı paradqa alǵash ret «Arlan» brondy mashınalary qatysady

ASTANA. QazAqparat - Búgin Astanada QR Qarýly Kúshteriniń qurylǵanyna 25 jyl tolýyna arnalǵan áskerı paradtyń negizgi daıyndyǵy ótti, dep xabarlaıdy QazAqparat tilshisi.

Bıylǵy paradqa 5 myń adam, 300 áskerı tehnıka jáne 70 ushý apparaty qatysady.

Jaıaý kolonnany "Jas ulan" mektebiniń barabanshylary bastap shyǵady. Olardan keıin qurlyq áskeriniń sarbazdary, áskerı-teńiz kúshteri, aımaqtyq qurylymdardyń sarbazdary, barlaýshylar, shekarashylar, arnaıy maqsattaǵy jasaqtar, áskerı qyzmette júrgen áıelder, áskerı polıtseıler, "Qazbrıg" bitimgerler rotasy, áskerı joǵary oqý oryndarynyń kýrsanttary, Ulttyq jáne Respýblıkalyq Ulan sarbazdary sap túzeıdi. Paradqa alǵash ret aýmaqtyq qorǵanys áskerleriniń birlesken quramy qatysady.

Al áskerı texnıkalar sherýinde, «Smerch» dúrkindete oq atý reaktıvti júıesi, tankiler, zymyran keshenderi, brondalǵan kólikter, mına atqyshtar, kvadratsıklder, áskerı baggı, drondar, baılanysty buǵattaý men tosqaýyl jasaý qondyrǵylary, adamdar men júkterdi tasymaldaıtyn avtomobılder, zenıt keshenderi kórsetiledi.

Áskerı paradqa alǵash ret  "Arlan" otandyq brondy mashınalary qatysady. Dóńgelekti 16 tonnalyq texnıkanyń jyldamdyǵy - saǵatyna 100 shaqyrym.

Osydan keıin avıashoý bastalady. Aspanda áskerı tikushaqtar men ushaqtar óner kórsetedi.