Áskerı parad ótetin kúni Astanada 3 myń polıtseı qaýipsizdikti qamtamasyz etedi
ASTANA. QazAqparat - 7 mamyr Otan qorǵaýshylar kúninde birqatar kóshelerde qozǵalys shekteledi. Bul týraly búgin baspasóz máslıhatynda Astana qalasy Іshki ister departamenti Ákimshilik polıtsııa basqarmasynyń bastyǵy Baqytjan Malybaev málim etti.
«Áskerı parad ótetin 7 mamyrda saǵat 6:00-den 14:00-ge deıin B. Momyshuly dańǵyly men Sh. Qaldaıaqov kóshesi aralyǵyndaǵy Táýelsizdik dańǵyly boıynda, sondaı-aq Sh. Qaldaıaqov kóshesi M-3 kópiri jol aıryǵynan Obaǵan kóshesine deıin, R. Qoshqarbaev kóshesiniń B. Momyshuly dańǵylynan Sarykól kóshesine deıingi jol aralyǵynda kólik qozǵalysy shekteledi»,-dedi ol.
Osy oraıda ol qala turǵyndaryn mereke kúnderinde atalǵan kóshelerden aınalyp ótýge shaqyrdy.
«Áskerı parad kúninde Astanada 3 myńǵa jýyq jeke quramnyń qyzmetkerleri jumyldyrylady. Sonymen qatar elordanyń Іshki ister departamentiniń 180 tehnıkasy tartylady»,-dedi B. Malybaev.
