Áskerı oqý oryndarynda memlekettik emtıhandar bastaldy
dep habarlady Qorǵanys mınıstrliginiń baspasóz qyzmeti.
«Shyǵys» óńirlik qolbasshylyǵy áskerleri qolbasshysynyń birinshi orynbasary - shtab bastyǵy general-maıor Murat Bektanov bastaǵan memlekettik attestatsııalyq komıssııa jumysqa kiristi.
Bıyl Qurlyq áskerleri áskerı ınstıtýtyn bitirýshileron úsh mamandyq boıynsha emtıhan tapsyratyn bolady. Áskerı oqý ornyn bitirgendigi týraly dıplom ınstıtýttyń 400 túlegine berilmek. Olardyń arasynda Qyrǵyzstan Respýblıkasynan -18, Tájikstan Respýblıkasynan 10 ókil bar. Atalǵan respýblıkalardyń Qazaqstanda bilim alýy jónindegi kelisimge UQShU sheńberindegi qarym-qatynas pen áskerı yntymaqtastyqtyń nátıjesinde qol jetkizildi.
Bıylǵy emtıhan tapsyrýshy kýrsanttardyń 25-i úzdik baǵamen bitiredi dep kútilýde. Olardyń ishinde erekshe daıyndyǵymen kózge túskender qyzyl dıplomen birge «Áskerı oqý ornyn úzdik bitirgeni úshin» tós belgisine ıe bolady jáne Qurmet taqtasyna aty jazylady.
Memlekettik emtıhandar tapsyrý qarsańynda Qurlyq áskerleri áskerı ınstıtýtynyń bastyǵy general-maıor Nıkolaı Qýatov pen memlekettik attestatsııa komıssııasynyń músheleri bıyl oqý bitiretin kýrstyń kýrsanttarymen saptyq baıqaý ótkizdi.
Emtıhandar bir aı boıy júrgiziledi, aǵymdaǵy jylǵy 29 maýsymda kýrsanttardyń oqý bitirýine arnalǵan saltanatty rásim ótkiziledi.