Áskerı oqý oryndaryna talapker qabyldaý 11 shildede bastalady
Bul týraly Qorǵanys mınıstrligi Áskerı bilim jáne ǵylym departamenti bastyǵynyń orynbasary polkovnık Áset Aqqozynov vedomstvonyń kezekti brıfıngisinde aıtty.
«Qorǵanys mınıstrliginiń joǵary áskerı oqý oryndaryna qabyldaý 27 shildeden 11 tamyzǵa deıin jalǵasady. Byltyr karantın shekteýlerine baılanysty Qazaqstan azamattaryn joǵary áskerı oqý oryndaryna qashyqtan qabyldaǵan edik. Bıyl qalypty formatta ótkizýdi josparlap otyrmyz. Biraq onyń bári aımaqtardaǵy epıdemıologııalyq jaǵdaıǵa baılanysty», - deıdi mınıstrlik ókili.
Sondaı-aq, ol áskerı mamandyq ıgergisi keletin talapkerlerge qoıylatyn jas shekteýleri týraly da málimet berdi.
«Joǵary áskerı oqý oryndaryna túsetin talapker 17 jasqa tolǵan 22-den aspaǵan adam bolýy kerek. Al áskerı boryshyn ótegen jáne ótep júrgen talapker bolsa, onyń jasy 24-ten aspaýy kerek. Kelisimshart boıynsha istep júrgen áskerı qyzmetshi bilimin jetildirgisi kelse, jasy 25-ten aspaýy mindet», - dedi Áset Aqqozynov.
