Áskerı oqý oryndarynda qandaı jańa mamandyqtarǵa basymdyq beriledi
ASTANA. KAZINFORM – Qazaqstannyń áskerı joǵary oqý oryndary zamanaýı qaýip-qaterlerge saı jańa baǵyttar boıynsha mamandar daıarlaýdy kúsheıtip jatyr. Bul týraly OKQ-de ótken baspasóz máslıhatynda QR Qorǵanys mınıstrligi Áskerı bilim jáne ǵylym departamentiniń bastyǵy, polkovnık Murat Oljabaev aıtty.
– Áskerı bilim berý júıesinde aqparattyq qaýipsizdik, krıptologııa, radıoelektrondyq kúres jáne áskerdi avtomattandyrylǵan basqarý júıeleri boıynsha maman daıarlaýǵa basymdyq berilip otyr. Oqý protsesine jasandy ıntellekt tehnologııalary, tsıfrlyq polıgondar keńinen engizilip jatyr. Kýrsanttar derekterdi taldaý, aqparattyq resýrstardy qorǵaý jáne áskerı jelilerdiń turaqty jumysyn qamtamasyz etý ádisterin meńgeredi, - dedi spıker.
Bul, onyń aıtýynsha, tehnologııalyq qaýip-qaterler jaǵdaıynda tıimdi áreket ete alatyn, tsıfrlyq ortada kásibı jumys júrgizýge qabiletti áskerı mamandardy daıarlaýǵa múmkindik beredi.
Aıta keteıik, áskerı joǵary oqý oryndary men kolledjderge qujat qabyldaý 31 shildege deıin jalǵasady. Sondaı-aq áskerı oqý oryndaryna qujat tapsyrý jeńildedi, qujatty endi onlaın tapsyrýǵa bolady.
