Áskerı oqý oryndaryna qujat tapsyrý jeńildedi
ASTANA. KAZINFORM — Áskerı joǵary oqý oryndaryna qujatty endi onlaın tapsyrýǵa bolady.
Bul týraly OKQ-de ótken baspasóz máslıhatynda QR Qorǵanys mınıstrligi Áskerı bilim jáne ǵylym departamentiniń bastyǵy, polkovnık Murat Oljabaev málimdedi.
— Qazaqstanda áskerı joǵary oqý oryndaryna qabyldaý rásimi tsıfrlandyrylyp, talapkerler úshin aıtarlyqtaı jeńildetildi. Endi qujattardy rásimdeý merzimi 120 kúnnen 30 kúnge deıin qysqardy, — dedi spıker.
Onyń aıtýynsha, talapkerler endi qujattaryn eGov.kz portaly arqyly onlaın tapsyra alady. UBT nátıjeleri, medıtsınalyq tekserý qorytyndylary jáne arnaıy tekserýler týraly málimetter memlekettik aqparattyq júıelerdiń ıntegratsııasy arqyly avtomatty túrde alynady.
— Jańa júıe elimizdiń barlyq óńirindegi jastar úshin áskerı oqý oryndaryna túsý úderisin edáýir jeńildetip otyr Qujattardy onlaın tapsyrýdyń arqasynda talapkerlerge oqý ornyna birneshe ret barýdyń qajeti bolmaıdy, al rásimderdiń avtomattandyrylýy qabyldaý naýqanynyń ashyqtyǵyn arttyryp, adam faktorynyń áserin barynsha azaıtady, — dedi departament basshysy.
Eske salaıyq, áskerı joǵary oqý oryndary men kolledjderge qujat qabyldaý 31 shildege deıin jalǵasady.
