Áskerı oqý oryndary eGov.kz portaly arqyly ótinim qabyldaıdy

ASTANA. KAZINFORM – Endi qazaqstandyq áskerı joǵary oqý oryndary oqýǵa ótinimdi eGov.kz portaly arqyly qabyldaıdy. Bul týraly «Ulttyq aqparattyq tehnologııalar» AQ baspasóz qyzmeti habarlady.

eGov.kz portalynda Qorǵanys mınıstrliginiń áskerı oqý oryndaryna talapkerlerge oqýǵa túsýge ótinish berý qyzmeti qoljetimdi.

- Júıe aldymen barlyq jeke derekti (medıtsınalyq derekter, sozylmaly aýrýlar jáne alynǵan ınfektsııalar) tekseredi, sondaı-aq sottalmaǵanyn tekserý suranysyn jiberedi. Eger adam sottalmaǵan bolsa, jaýap 10 mınýttyń ishinde keledi. Sodan keıin Ulttyq qaýipsizdik komıteti tarapynan arnaıy tekserýden ótý úshin saýalnamany toltyrý qajet. Ulttyq qaýipsizdik komıteti tekserý úshin №075 nysandy anyqtamany aldyn ala alý jáne ómirbaıanyn daıyndaý usynylady, - delingen habarlamada.

Kóptegen derek (mekenjaı, fotosýret, jaqyndary týraly málimetter) memlekettik júıelerden avtomatty túrde júkteledi, qalǵanyn qolmen qosýǵa bolady.

Ótinish berý úshin:

1. eGov.kz portalynda tirkelip, «Azamattarǵa» - «Áskerı esepke alý jáne qaýipsizdik» - «Áskerı qyzmet» bólimine ótińiz.

2. «Qorǵanys mınıstrligi áskerı oqý oryndaryna kandıdattardy qabyldaý» qyzmetin tańdap, «Qyzmetke onlaın tapsyrys berý» túımesin basyńyz.

3. Qajetti derekterdi toltyryp, ótinishke qol qoıyńyz.

4. Nátıje jeke kabınette «Qyzmet tarıhy» bóliminde qoljetimdi bolady.

Ushqysh mamandyǵy úshin kýálandyrýǵa deıin 30 kúnnen keshiktirmeı alynǵan medıtsınalyq qorytyndy talap etiledi. Qorytyndy (onyń sebebin kórsete otyryp qabyldaý nemese qabyldaýdan bas tartý) jeke kabınetke keledi. Qyzmet merzimi — 200 kúnge deıin. Qujattyń tolyq tizimi jáne egjeı-tegjeıli nusqaýlyq — eGov.kz saıtynda.

Aıta keteıik, eGov Mobile arqyly qazaqstandyqtar jeke derekteriniń taralý jaǵdaıyn teksere alady. 

Sondaı-aq eGov portalynyń kómegimen zańsyz tirkelgen SIM-kartany anyqtaý múmkindigi bar.