Áskerı mindettiler áskerı jıynǵa shaqyrylady

ASTANA. QazAqparat – Áskerı mindettilerdiń áskerı jıyny Gvardeısk garnızonyndaǵy 22326 áskerı bóliminde ótedi. Oǵan 1500 adam qatysady, onyń ishinde 189 ofıtser, 275 serjant jáne 1 036 sarbaz, dep habarlaıdy QazAqparat Qorǵanys mınıstrliginiń baspasóz qyzmetine silteme jasap.

Bul shara QR Úkimetiniń 2012 jylǵy 15 mamyrdaǵy qaýlysymen bekitilgen Qazaqstan Respýblıkasynyń azamattaryn áskerı qyzmetke shaqyrýdy uıymdastyrý jáne ótkizý qaǵıdalarynyń 65-tarmaǵyna sáıkes uıymdastyrylyp otyr.

Qorǵanys mınıstrliginiń Uıymdastyrý-jumyldyrý jumysy departamenti osy qujatty oryndaý úshin qorǵanys vedomstvosy basshysynyń bıylǵy 28 naýryzdaǵy «2023 jyly áskerı mindettilerdi áskerı jıyndarǵa shaqyrý týraly» buıryǵyn daıyndady.

Áskerı mindettilerge uıymdastyrylatyn áskerı jıyndardyń negizgi maqsaty – praktıkalyq daǵdylarǵa mashyqtaý jáne ony jetildirý, áskerı daıarlyqty talap etiletin deńgeıde jáne áskerı mindettilerdi jaýyngerlik ázirlikte ustaý.

Josparǵa sáıkes áskerı mindettilerdi jıynǵa Almaty qalasy, Almaty jáne Jambyl oblystarynyń qorǵanys isteri jónindegi departamentteri shaqyrady.