Áskerı mindetin ótkergender Qorǵanys mınıstrliginiń oqý oryndaryna emtıhansyz qabyldanady

ASTANA. QazAqparat – Bıyldan bastap merzimdi áskerı mindetin atqarǵan jastar Qorǵanys mınıstrliginiń oqý oryndaryna emtıhansyz qabyldanady. Bul týraly Ortalyq kommýnıkatsııalar qyzmetinde ótken brıfngide Qorǵanys mınıstrligi Áskerı bilim jáne ǵylym departamentiniń bastyǵy Jumabek Ahmetov aıtty, dep habarlaıdy QazAqparat tilshisi.

«Bıyldan bastap merzimdi áskerı mindetin ótkergen azamattar Qorǵanys mınıstrliginiń áskerı oqý oryndaryna túsý emtıhanyn tapsyrmaı qabyldanady. Bul rette, bul azamattardy qabyldaý Qarýly kúshterdiń bólimderinde buryn júrgizilgen irikteý nátıjeleri boıynsha júzege asyrylady», - dep málim etti departament bashysy.

Jumabek Ahmetovtyń aıtýynsha, qazir mınıstrliktiń áskerı bólimderinde irikteý júrgizilýde. Merzimdi áskerı qyzmetti ótkergender úshin talapkerlerdiń jalpy sanynan 25 paıyzdyq kvota bólinedi.