Áskerı mindetin ótegenderdi iri korporatsııalarǵa jumysqa ornalastyrý usynyldy

ASTANA. QazAqparat – Eńbek jáne halyqty áleýmettik qorǵaý vıtse-mınıstri Erbol Ospanov áskerı mindetin ótegennen keıin jumys istegisi keletin sarbazdardy memlekettik kompanııalar men iri korporatsııalarǵa jumysqa turǵyzý jaǵyn qarastyrýdy usyndy, dep habarlaıdy QazAqparat tilshisi.

«Otan aldyndaǵy boryshyn ótegen sarbazdardy memlekettik kompanııalar men iri korporatsııalarǵa jumysqa ornalastyrýǵa usynys bergen durys sııaqty. Óıtkeni, áskerı mindetin ótegennen keıin olardyń bári oqyǵysy kelmeıdi. Keıbiri jumys istegisi keledi, olarǵa da múmkindik berý kerek. Bizde osyndaı usynys bar», - dedi Erbol Ospanov Májiliste ótken is-shara barysynda.

Onyń aıtýynsha, memlekettik bazada kompanııalar men irili-usaq korporatsııalardyń tizimi bar.

«Kásibı bilimdi talap etpeıtin mamandyqtar boıynsha jumysqa ornalastyrý múmkindigi bar», - deıdi vıtse-mınıstr.

Aıta keteıik, búgin Májilistiń halyqaralyq ister, qorǵanys jáne qaýipsizdik komıtetinde merzimdi áskerı qyzmet ótegen sarbazdarǵa bilim berý jáne ózge de jeńildikter tetigin iske asyrý máseleleri qaraldy.