Áskerı mektepterdiń tárbıelenýshileri ózgeshe jańa jyldyq syılyqtar aldy - QR QM (FOTO)
Búgin Astanadaǵy armııa generaly Saǵadat Nurmaǵambetov atyndaǵy «Jas ulan» respýblıkalyq áskerı mekteptiń 446 tárbıelenýshisi jańa gadjetke ıe boldy. Jaqyn arada «aqyldy» jańa jyldyq tartýdy T.Bıgeldınov atyndaǵy Qaraǵandy «Jas ulan» áskerı mektebi, B.Momyshuly atyndaǵy Almaty «Jas ulan» áskerı mektebi jáne S.Raqymov atyndaǵy Shymkent «Jas ulan» respýblıkalyq mektebiniń tárbıelenýshileri alatyn bolady.
Mereke qarsańynda QR QK áskerı qyzmetshileriniń balalary da elimizdiń bas áskerı vedomstvosynyń nazarynan tys qalmaǵanyn aıta ketken jón. Qazaqstan Qarýly Kúshteriniń túrleri men ásker tekteriniń áskerı bólimderinde, óńirlik qolbasshylyqtarynda bul kúnderi jappaı jańa jyldyq is-sharalar ótýde. Áskerı qyzmetshilerdiń qatysýymen 600-den asa múgedek balalarǵa arnalǵan merekelik is-shara erekshe boldy. Onyń ishindegi 100 balanyń múmkindigi shekteýli. QR QK Aeroutqyr áskerleri 61993 áskerı bóliminiń áskerı qyzmetshileri balalardy arbada zalǵa kóterip shyǵaryp, olarǵa jańa jyldyq merekede bolýlaryna kómektesti, dep habarlaıdy QR QM baspasóz qyzmeti.