Áskerı mektep oqýshylary joǵary áskerı ýnıversıtetterge birinshi kezekte qabyldanady - Elbasy
Búgin Astanadaǵy Nazarbaev Ýnıversıtetinde ınteraktıvtik dáris oqyǵan Qazaqstan Respýblıkasynyń Prezıdenti Nursultan Nazarbaev Qaraǵandy qalasyndaǵy T.Bıgeldınov atyndaǵy Respýblıkalyq áskerı mektep-ınternattyń kýrsanty Abaı Sáttibaevtyń saýalyna oraı osylaı dedi.
«Men áskerı mamandyqty tańdadym. Bilimimdi jalǵastyryp joǵary áskerı oqý ornyna túskim keledi. Biraq bizdiń áskerı mektep túlekterine joǵary áskerı oqý ornyna túsý kezinde jaı mektep oqýshylary túlekterinen eshqandaı artyqshylyqtary joq. Alaıda biz 14 jasymyzda Otan sarbazdary bolamyz. Elimizdi qorǵaımyz dep sheshtik. Qurmetti Nursultan Ábishuly, jaqsy, óte jaqsy oqyǵan áskerı mektep oqýshylaryna joǵary áskerı oqý ornyna túsý kezinde memlekettik jeńilidkter jasaýǵa múmkindik bar ma?» - dedi ol Elbasyna qoıǵan saýalynda.
«Táýelsizdik aldynda bizdiń áskerimiz bolǵan joq. Ol da táýelsizdiktiń bir tabysy bolyp sanalady», - dep atap ótti Elbasy.
Sonymen qatar Memleket basshysy bul mektepterde áskerı aýyr jumystyń eń basty sharýalaryn úırenýge, sapta júrý, qarý jaraqty qoldana bilý, dene shynyqtyrý, onyń ústine qazirgi mektepterdegi saýatty bolý, mádenıetke, mýzykaǵa, bıge úırenýge barlyq jaǵdaı jasalyp otyrǵandyǵyn basa aıtty. «Sondyqtan da bul memlekettiń jasap otyrǵan úlken qamqorlyǵy. Árıne, osy mektepti bitirgen balalar joǵary áskerı ýnıversıtetke túsken kezde eskerilýi kerek. Qazir de solaı. Eń birishi qabyldanatyn sender bolasyńdar», - dedi QR Prezıdenti.
