Áskerı medıkter men mergender Halyqaralyq Armııa oıyndaryna daıyndalyp jatyr (FOTO)

ASTANA. QazAqparat - QR QK Qurlyq áskerleri «Gvardeısk» garnızony oqý-jattyǵý ortalyǵynyń bazasynda 2016 jylǵy Armııa oıyndarynyń halyqaralyq kezeńine qatysý úshin daıyndalyp jatyr. Bul týraly QR Qorǵanys mınıstrliginiń baspasóz qyzmeti habarlady.

«Áskerı-medıtsınalyq estafeta» jáne «Mergen shebi» baıqaýlaryna daıyndyq bastalyp ta ketti. Onda Reseıde ótetin 2016 jylǵy Armııa oıyndarynyń halyqaralyq kezeńderine qatysatyn qazaqstandyq Qarýly Kúshterdiń eń úzdik áskerı qyzmetshileri irikteletin bolady.

Daıyndyq jattyqtyǵýyna 415 áskerı qatysady. Elimizdiń shamamen 120 birlik áskerı tehnıkasy tartyldy. Qurlyq áskerleriniń áskerı qyzmetshileri «Tank bıatlony», «Mergen shebi», «Desanttyq vzvod», «Artıllerııalyq atys sheberleri», «Áskerı-medıtsınalyq estafeta» jáne kóptegen basqa da baıqaýlar boıynsha saıystyń barlyq kezeńderin aıaqtaǵandaryn esterińizge sala keteıik.

Barlyq qatysýshylar kedergilerdi eńserdi, qoıylǵan tapsyrmalardy oryndady jáne ózderiniń jaýyngerlik daıarlyqtaryn kórsetti.

Bıyl Armııa halyqaralyq oıyndary - 2016 alǵash ret Qazaqstan aýmaǵynda ótedi. Onda áskerıler «Mergen shebi» jáne «Artıllerııalyq atys sheberleri» atty eki baıqaý boıynsha tartysqa túsetin bolady.

Qalǵan baıqaýlarǵa qatysý úshin halyqaralyq kezeńge daıyndyqty aıaqtaǵannan keıin úzdik qatysýshylar Reseı Federatsııasynda baq synasýdy jalǵastyrady. Onda qarsylastary shetel armııalarynyń áskerı qyzmetshileri bolmaq.