Áskerı-medıtsınalyq bólimder men mekemelerge qazirgi zamanǵy joǵary sapaly medıtsınalyq járdem kórsetýdi engizý men qoldaný áskerlerdiń udaıy ázirligin qamtamasyz etedi - Qorǵanys mınıstri Ádilbek Jaqsybekov
Medıtsına qyzmetkerleri kúni qarsańynda Qazaqstan Respýblıkasy Qorǵanys mınıstrligi Bas áskerı klınıkalyq gospıtalinde áskerı medıkterdiń saltanatty jıyny bolyp ótti. Gospıtaldegi áriptesterin Qazaqstan Respýblıkasy Qarýly Kúshteri Bas áskerı-medıtsınalyq basqarmasynyń ókilderi quttyqtady.
"Áskerı medıtsına - áskerı qyzmetkerler men olardyń otbasy músheleriniń densaýlyǵyn qorǵaıtyn, medıtsınalyq járdem kórsetetin, jeke quramnyń densaýlyǵyn saqtaý jáne nyǵaıtý maqsatyndaǵy júrgiziletin keshendi is-sharalardyń kepili, sondaı-aq áskerlerdiń sanıtarlyq tazalyǵyn qoldaıtyn jáne qajetti medıtsınalyq járdem kórsetetin quqyqty júzege asyrýdy júrgizetin memlekettik densaýlyq saqtaý júıesiniń quramdas bóligi bolyp tabylady", delingen habarlamada.
Qorǵanys mınıstrliginiń áskerı-emdeý mekemesi qazirgi zamanǵy medıtsınalyq tehnologııalar men emdeý ádisterin qoldaný arqyly joǵary mamandandyrylǵan medıtsınalyq járdem kórsetedi.
Áskerı medıtsınany odan ári damytý maqsatynda QR QK Bas áskerı-medıtsınalyq basqarmasynyń basshylyǵy áskerı-medıtsınalyq baǵyttaǵy ǵylymı zertteýlerdi, telemedıtsınanyń baǵdarlamalyq-tehnıkalyq júıesin, áskerı qyzmetshilerdiń densaýlyq jaǵdaıy monıtorınginiń aqparattyq júıesin engizýdi josparlap otyr.
"Áskerı-medıtsınalyq bólimder men mekemelerge qazirgi zamanǵy joǵary sapaly medıtsınalyq járdem kórsetýdi engizý men qoldaný Qarýly Kúshterde jetekshi medtsınalyq mamandardyń bilimi men tájirıbesin paıdalanýdy qamtamasyz etedi, - dep atap ótti Qorǵanys mınıstri Ádilbek Jaqsybekov. - Sonyń nátıjesinde, bul áskerlerdiń udaıy ázirligin qamtamasyz etetin medıtsınalyq qamtamasyz etýdiń tıimdiligin arttyrýǵa múmkindik beredi".
Jyl saıyn áskerı emdeý mekemelerinde 27 myńǵa jýyq adam statsıonarlyq em qabyldaıdy. Onyń ishinde Qazaqstan Qarýly Kúshteriniń áskerı qyzmetkerleri men olardyń otbasy músheleri, Qorǵanys mınıstrliginiń zeınetkerleri jáne azamattyq personal bar.
"Áskerı qyzmetshilerge joǵary sapaly medıtsınalyq járdem kórsetýde QR Qorǵanys mınıstrliginiń Astanadaǵy Bas áskerı klınıkalyq gospıtali jetekshi ról atqarady. Onda áskerı dárigerler men medıtsınalyq personaldyń áleýetti quramy jumys isteıdi", delingen taratylǵan habarlamada.
Áskerı densaýlyq saqtaý salasyndaǵy atqarylyp jatqan jumystardyń barlyǵy áskerı medıtsına jumysynyń sapasyn jetildirýge jáne áskerı qyzmetkerlerdiń densaýlyǵyn saqtaý men nyǵaıtýǵa baǵyttalǵan.