Áskerı qyzmettegi názik jandylar merekelik avto sherý uıymdastyrdy
ASTANA. QazAqparat - Búgingi merekege oraı, QR Qarýly kúshteriniń qatarynda qyzmet etetin qyz-kelinshekter er azamattardy erekshe quttyqtady, dep habarlady 24.kz.
Saltanatty forma kıgen názik jandylar avto sherý ótkizdi. Kenesary eskertkishi mańynan bastalǵan merekelik sherýge 30-ǵa jýyq arý qatysty.
Astananyń tasjoldarymen júrip ótken arnaıy kortej «Báıterek» monýmentine at basyn tirep, óz ónerin kórsetken soń, «Han shatyrǵa» jol tartty.
Qarlyǵash Asylbekova, QR Qorǵanys mınıstrliginiń áskerı qyzmetkeri: - Otan qorǵaýshy kúni eldiń qorǵany bolyp júrgen er azamattarymyzdy shyn júrekten quttyqtaǵymyz keledi.
