Áskerı qyzmetshilerge turǵyn úıge ótemaqy alý jeńildetildi

ASTANA. 30 mamyr. QazAqparat - 2013 jylǵy 29 mamyrda Qazaqstan Respýblıkasy Úkimetiniń «Áskerı qyzmetshilerdi turǵyn úımen qamtamasyz etý qaǵıdalaryn bekitý týraly» № 538 Qaýlysyna qol qoıyldy.

Qaýlyǵa sáıkes Qazaqstan Respýblıkasy Qarýly Kúshteri áskerı qyzmetshileriniń turǵyn úıdi jalǵa alǵany (jaldaǵany) úshin maqsatty ótemaqy alýǵa ótemaqy tóleý tetigi jeńildetildi. Ótemaqy alýǵa qajetti qujattar ázirleý úsh qujatqa azaıtylǵan. Bul týraly QR Qorǵanys mınıstrliginiń baspasóz qyzmetinen málim etti.

Patent, shot-faktýra, fıskaldy chek jáne basqa da qujattardy usyný týraly talaptar ózgertildi. Endi ótemaqy alý úshin áskerı qyzmetshiler úıdi jalǵa alǵany (jaldaǵany) týraly, turǵyn úıge muqtajdyǵy rastalatyndyǵy jóninde jáne otbasynyń quramy belgilengen anyqtama ótkizýi qajet.

Jáne de atalǵan ózgertýler buǵan deıin patenti joq kásipkerlermen kelisimge otyrǵan áskerı qyzmetshilerdi qamtý maqsatynda 2013 jyldyń 1 qańtarynan bastap qoldanysqa engizildi.