Áskerı qyzmetshilerdiń 74 paıyzy kelisimshart boıynsha qyzmet etýde - QR QM (FOTO)
Qazirgi ýaqytta QR QK áskerı qyzmetshileri jalpy sanynyń 74 paıyzy kelisimshart boıynsha qyzmet etýde. Bunyń mólsheri jyl saıyn 4-5 myń adamǵa ulǵaıyp keledi.
Kelisimshart boıynsha qyzmetke qabyldanatyn áskerı qyzmetshiler memleket tarapynan qomaqty áleýmettik qoldaý kóredi.
Kelisimshart boıynsha áskerı qyzmetshi men onyń otbasy músheleri turǵyn úımen qamtamasyz etiledi nese ony jaldaǵany úshin ótemaqy alady. Jekeshelendirý quqyǵy barlardan basqasy áskerı qyzmetten bosaǵan jaǵdaıda qyzmettik turǵyn úıdi qaıtarady.
Sonymen qatar tegim medıtsınalyq qyzmet kórsetý kózdelgen. Jıyrma jyldan artyq eńbek sińirip qyzmetten bosatylǵandar áskerı-medıtsınalyq mekemelerde tegin emdelýin jalǵastyrady, al jıyrma bes jyldan asa qyzmet etkender sanatorlyq-kýrorttyq emdelýmen qamtamasyz etiledi.
Turǵyn úı berilýi men tegin medıtsınalyq qyzmet kórsetýden basqa kelisimshart boıynsha áskerı qyzmetshi men onyń otbasy músheleri basqa orynǵa kóshken jaǵdaıda áýe, temirjol, sý joly jáne avtomobıl kólikteri qyzmetterin tegin paıdalanady, sondaı-aq balalaryna balabaqshadan kezekten tys oryn beriledi.
Kelisimshart boıynsha qyzmet - sanaly túrde jáne kásibı negizde erikti Otan qorǵaýshy bolý múmkindigi. Búgingi tańda Qazaqstan armııasy aralas jasaqtaý prıntsıpin ustanýda, dep habarlaıdy QR Qorǵanys mınıstrliginiń baspasóz qyzmeti.