Áskerı qyzmetshilerdi turǵyn úımen qamtamasyz etý qaǵıdalaryn bekitý týraly qaýlyǵa ózgerister engizildi

QazAqparat qujattyń mátinin taratady.

Qazaqstan Respýblıkasy Úkimetiniń qaýlysy № 538

2013 jylǵy 29 mamyr, Astana, Úkimet Úıi

«Áskerı qyzmetshilerdi turǵyn úımen qamtamasyz etý qaǵıdalaryn
bekitý týraly» Qazaqstan Respýblıkasy Úkimetiniń 2012 jylǵy
28 tamyzdaǵy № 1091 qaýlysyna ózgerister engizý týraly

Qazaqstan Respýblıkasynyń Úkimeti qaýly etedi:

1. «Áskerı qyzmetshilerdi turǵyn úımen qamtamasyz etý qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 28 tamyzdaǵy № 1091 qaýlysyna (Qazaqstan Respýblıkasynyń PÚAJ-y, 2012 j., №67, 967-qujat) mynadaı ózgerister engizilsin:
kórsetilgen qaýlymen bekitilgen Áskerı qyzmetshilerdi turǵyn úımen qamtamasyz etý qaǵıdalarynda:

4-tarmaqtyń 3) tarmaqshasy mynadaı redaktsııada jazylsyn:
«3) baıanat bergen kúnge deıin kúntizbelik 10 kún buryn alynǵan áskerı qyzmetshi men onyń otbasy músheleriniń osy eldi mekende menshik kuqyǵynda turǵyn úıiniń bolmaýy (bolýy) týraly anyqtama (anyqtama áskerı qyzmetshilerge jyl saıyn beriledi);»;
19-tarmaq mynadaı redaktsııada jazylsyn:
«19. Ótemaqy tóleý úshin áskerı qyzmetshi belgilengen tártippen ol áskerı qyzmet ótkeretin áskerı bólim komandıriniń (memlekettik mekeme basshysynyń) atyna baıanat beredi.
Baıanatqa mynadaı qujattar qosa beriledi:
1) jaýapty qurylymdyq bólimsheniń áskerı qyzmet ótkerý orny boıynsha áskerı qyzmetshiniń turǵyn úımen qamtamasyz etilmegeni týraly anyqtamasy;
2) otbasy quramy týraly anyqtama (otbasy quramy ózgergen jaǵdaılardy qospaǵanda, 1 (bir) ret beriledi);
3) belgilengen tártippen jasalǵan turǵyn úıdi jalǵa alý (jaldaý) sharty.»;
30-tarmaq mynadaı redaktsııada jazylsyn:
«30. Ótemaqynyń shekti mólsheri áskerı qyzmetshi áskerı qyzmet ótkeretin jeri boıynsha eldi mekende Qazaqstan Respýblıkasynyń zańnamasyna sáıkes áskerı qyzmetshi otbasy músheleriniń sanyn tıesili paıdaly alańynyń (18 sharshy metr) jáne jaıly turǵyn úıdiń bir sharshy metrin jalǵa alý (jaldaý) ortasha qunynyń normalaryna kóbeıtý jolymen aıqyndalady.
Jaıly turǵyn úıdiń bir sharshy metrin jalǵa alýdyń (jaldaýdyń) ortasha quny memlekettik statıstıka salasyndaǵy ýákiletti organnyń resmı saıtynda jarııalanatyn onyń aǵymdaǵy jylǵy qańtardaǵy derekterine, statıstıkalyq jumystar josparyna sáıkes aıqyndalady.
Eldi meken boıynsha statıstıkalyq derekter bolmaǵan jaǵdaıda ótemaqy mólsheri aýdan ortalyǵynyń statıstıkalyq derekteri boıynsha, al aýdan ortalyǵynda statıstıkalyq derekter bolmaǵan jaǵdaıda - oblys ortalyǵynyń statıstıkalyq derekteri boıynsha aıqyndalady.».

2. Osy qaýly 2013 jylǵy 1 qańtardan bastap qoldanysqa engiziledi jáne resmı jarııalanýǵa tıis.

Qazaqstan Respýblıkasynyń Premer-Mınıstri S.AHMETOV.