Áskerı qyzmetshiler jol qozǵalysy qaýipsizdigin talqylady
Bul týraly Qorǵanys mınıstrliginiń baspasóz qyzmeti habarlady
Konferentsııa jumysyna Almaty qalasy boıynsha Іshki ister departamentiniń, Almaty qalasy ІІD Jol polıtsııasy basqarmasynyń, Almaty óńirlik garnızony Áskerı polıtsııa jasaǵynyń ókilderi, sondaı-aq áskerı oqý oryndarynyń qyzmetkerleri qatysty.
«Sarbazdar, kýrsanttar men ofıtserler ómiriniń qaýipsizdigin qamtamasyz etý - jan-jaqty teorııalyq, áskerı-ǵylymı jáne jalpy ǵylymı bilim berýmen ǵana shektelmeıdi, sonymen qatar ol - qarý-jaraq pen áskerı tehnıkany qaýipsiz paıdalaný, jaýyngerlik jáne basqa da tehnıkany qaýipsiz júrgizý, bilikti tehnıkalyq qyzmet kórsetý ádisterin meńgerý», - dep atap ótti óz sózinde Radıoelektronıka jáne baılanys áskerı-ınjenerlik ınstıtýty bastyǵynyń qarý-jaraq jónindegi orynbasary Asqar Mustabekov.
Máslıhatqa qatysýshylar jol qozǵalysy qaýipsizdiginiń qazirgi zamanǵy jaı-kúıi týraly baıandamalardy tyńdap, kórsetilgen taqyryptar men problemalar boıynsha, sonyń ishinde jolda júrý erejelerin buzǵany úshin jaýapkershilikti kúsheıtý máselesi tóńireginde óz pikirlerin bildirdi. Áskerı qyzmetshilerdiń áskerı jáne jeke avtokólikte júrgizý sapasyn taldaý boıynsha Almaty óńirlik garnızony Áskerı polıtsııa jasaǵynyń áskerı-avtomobıldik polıtsııa bóliminiń bastyǵy podpolkovnık Sergeı Kapchýk baıandama jasady.
Konferentsııa jumysynyń qorytyndysynda «Avtomobıl isi» páni boıynsha kýrsanttardy daıarlaý sapasyn arttyrýǵa jáne jalpy jol qozǵalysy qaýipsizdigi jaǵdaıyn jaqsartýǵa múmkindik beretin usynystar qabyldandy. Konferentsııaǵa qatysýshylar ártúrli vedomstvolar men joǵary oqý oryndarynyń ǵalymdary men mamandary ótkizetin osyndaı kezdesýler jol qaýipsizdigin qamtamasyz etý jónindegi is-sharalardy uıymdastyrý men iske asyrýǵa úlken úles qosaryna senim bildirdi.