Áskerı qyzmetshiler men olardyń otbasy músheleri senbilikke qatysýda
ASTANA. 23 sáýir. QazAqparat - «Biz - taza qala úshin!» uranmen Astanada ekologııalyq aılyq sheńberindegi jalpyqalalyq senbilik ótýde. Al, Qarýly Kúshter ony búkilarmııalyq senbilik dep atap otyr,
dep habarlady QR Qorǵanys mınıstrliginiń baspasóz qyzmeti.
Senbilikke barlyq býyndaǵy áskerı qyzmetshiler men olardyń otbasy músheleri qatysty. Áskerıler ózderine bólingen aýmaqtardy tazalap, aǵashtardy túptedi, aqtady.
- Astana - bizdiń ortaq úıimiz, onyń tazalyǵy árbir qala turǵynyna qatysty, - deıdi áskerı qyzmetshiler biraýyzdan.
Elordalyq áskerıler ózderine júktelgen tapsyrmalardy uqypty atqaryp, qala tazalyǵyna laıyqty úlesterin qosa bildi. Olar bul joly da senbiliktiń urpaqtan urpaqqa berilip kele jatqan keremet dástúr ekenin taǵy bir dáleldedi.
