Áskerı qyzmetshiler memlekettik qyzmetkerlerge arnalǵan biliktilikti arttyrý kýrstaryn ótkizedi
Aǵymdaǵy jyly biliktilikti arttyrý júıesi aıasynda áskerı mamandyqtar boıynsha 9 oqý baǵdarlamasy qaıta ázirlenip, 14 jańa oqý baǵdarlamasy ázirlengen. Jeke baǵytpen áskerı qaýipsizdikti, aýmaqtyq qorǵanysty, jumyldyrý daıarlyǵyn, áskerı jáne memlekettik basqarýdy uıymdastyrý máselelerine tartylǵan memlekettik qyzmetkerlerdiń biliktiligin arttyrý kýrstaryn bólý josparlanýda. Olar: memlekettik basqarý organdarynyń basshylary (orynbasarlary), oblys, Astana, Almaty qalalarynyń, aýdan ortalyqtary men qala ákimderi, erekshe kezeńge qurylatyn qorǵanys keńesine kiretin jergilikti atqarý basqarý organdarynyń ókilderi, sondaı-aq jumyldyrý daıarlyǵy men jumyldyrýǵa tartylǵan ortalyq atqarý basqarý organdarynyń ókilderi.
2015 jyly áskerı oqý oryndarynyń bazasynda bir myńnan asa áskerı qyzmetshini, ıaǵnı, ofıtserler men serjanttardy qamtı otyryp, biliktilikti arttyrýdyń 24 kýrsy, sondaı-aq shamamen 1500 adamdy qamtı otyryp, 11 trenıng josparlanyp, ótkizilgen. Oqytý Ulttyq qorǵanys ýnıversıteti, Qurlyq áskerleriniń Áskerı ınstıtýty, Radıoelektronıka jáne baılanys Áskerı-ınjenerlik ınstıtýty, sondaı-aq Kadet korpýsynyń bazalarynda ótkizildi.