Áskerı qyzmetshiler Qazaqstannyń óńirlerindegi soǵys ardagerlerin quttyqtady (FOTO)
Atap aıtqanda, Tarazdaǵy garnızondyq ofıtserler úıinde maıdangerler qurmetine saltanatty is-shara ótip, quttyqtaýlar men syılyqtar usynyldy, kontsert qoıyldy. «2015 jyly biz aıtýly mereıtoı - Uly Jeńistiń 70 jyldyǵyn atap ótemiz. Sizderdi jańajyldyq merekemen quttyqtaý - biz úshin asqan qurmet, óıtkeni biz sizderdiń jaýyngerlik tájirıbelerińizdi qasterleımiz, biz úshin sizder úlgi tutar tulǵa bolyp tabylasyzdar. Jas jaýyngerler Sizderden qaharmandyq pen erlik tálimin alady», - dedi ardagerlerge sóz arnaǵan «Ońtústik» óńirlik qolbasshylyǵy áskerleri qolbasshysynyń birinshi orynbasary general-maıor Marat Qusaıynov. Jambyl oblysynda 350-ge jýyq Uly Otan soǵysynyń ardageri turady. Árbir ardagerge áskerı bólimder, bekitilgen. Olardyń qolbasshylyǵy maıdangerlerge únemi baryp turýdy uıymdastyrady. Áskerı qyzmetshiler garnızondyq ofıtserler úıine kele almaǵan ardagerlerdiń úılerine bardy. Olarǵa búkil «Ońtústik» óńirlik qolbasshylyǵy áskerı qyzmetshileriniń atynan syılyqtar tabys etildi. Al Semeıdegi zeınetkerlerge qyzmet kórsetetin ońaltý ortalyǵynda maıdangerlerge óńirlik qolbasshylyqtyń áskerı orkestri kontsert syılady. Aqtaýda áskerı qyzmetshiler qarttar úıinde turyp jatqan soǵys ardagerleri Gavrıl Gerasımov pen Ivan Matveenkony quttyqtap, estelik syılyqtar tabys etti.
