Áskerı qyzmetshiler balalarǵa arnap, kontsert qoıdy
ALMATY. QazAqparat - Almatyda 28 gvardııalyq panfılovshylar saıabaǵynda desanttyq-shabýyldaý áskerleriniń qyzmetshileri Halyqaralyq balalardy qorǵaý kúnine oraı aýqymdy merekelik shara uıymdastyrdy, dep habarlaıdy QazAqparat tilshisi.
Balalar áskerı-tarıhı mýzeıinde boldy.
Balalarǵa mýzeıdegi qundy materıaldar men jádigerler týraly Keńes Odaǵynyń Batyry general-maıor Ivan Panfılovtyń nemeresi Alýa Baıqadamova aıtyp berdi.
Sonymen qatar, jınalǵandarǵa «Jas sarbaz» áskerı-patrıottyq qozǵalysynyń almatylyq fılıalynyń tárbıelenýshileri kontsert usyndy. Balalarǵa arnap án salyp, bı bılep, teatrlandyrylǵan kórinis qoıdy.
« Balalar - bolashaqta bizdiń eldiń myqty azamaty bolý úshin olardy baqytty etýge tyrysý kerek. Bul baǵytta biz kóp jumys istep jatyrmyz», - deıdi uıymdastyrýshylar
