Áskerı qyzmetshiler áıelder qaýymyn quttyqtaý úshin erekshe VIDEO túsirdi

ASTANA. QazAqparat - Qazaqstan Qarýly Kúshteriniń áskerı qyzmetshileri Halyqaralyq áıelder kúnimen barsha názik jandylar qaýymyn ádettegiden erekshe quttyqtady, dep habarlaıdy QR QM baspasóz qyzmeti.

Áskerıler áskerı turmysta qoldanylatyn ártúrli zattardan «8» sanyn jasap, beıne quttyqtaý ázirledi. «Segiz» sany desantshylardyń qos kógildir beretinen, áskerılerdiń jaýyngerlik dýlyǵalary, kompastar men dúrbilerden qurastyryldy.

Sondaı-aq osyndaı sımvol avtomattar men tikushaqtyń kabınasynda baıqalady. Tipti, jaýyngerlik dóńgelek tehnıkasynyń mınalary men shınalarynan, sporttyq snarıadtar men áskerı mýzykanttardyń mýzykalyq aspaptarynan qurastyrylady. Kóktemgi merekeniń naqyshy, ıaǵnı, «8» sany beıne quttyqtaýda 30 ret qaıtalanady.