Áskerı qyzmetshiler arasyndaǵy álem birinshiliginde 5 qazaqstandyq boksshy kelesi aınalymǵa joldama aldy

Búgingi saıysta barlyǵy 40 boksshy baq synaǵan bolatyn. Qazaqstan atynan shyqqan bes bylǵary qolǵap sheberiniń beseýi de kelesi aınalymǵa shyqty.

49 keli salmaq dárejesindegi Oljas Baınııazov pákistandyq Asıf Razanyń oısyrata jeńdi. Al 52 keli salmaqta týnıstik boksshy Motassar Boýalımen qolǵap túıistirgen qazaqstandyq Oljas Sáttibaev ta qarsylasyn súrindirdi. 56 keli salmaqta óner kórsetken Qaırat Eralıev bolsa, óz kezeginde ońtústikkoreıalyq Kvon Chol Gýkten basym tústi. 75 keli salmaqta sharshy alańǵa shyqqan Babyrjan Momynovtyń da aıy ońynan týdy. Ol Birikken Arab Ámirliginen kelgen Mahamad Movsabıdiń mysyn basty. Jańa ǵana aıaqtalǵan 91 keli salmaq dárejesindegi jekpe-jekte qazaqstandyq Asqar Abdollaev pákistandyq Nısar Handy jeńip, kelesi aınalymǵa joldama aldy.

Jarystyń erteńgi besinshi kúni ádettegideı kúndizgi saǵat 14:00- de «Dostyq» sport kesheninde bastalady.