Áskerı qyzmetshiler arasynda tuńǵysh ret sýda júzýden chempıonat ótti

Chempıonattyń uıymdastyrýshysy Qorǵanys mınıstrligi áskeriniń ortalyq sport klýby. Sonymen qatar AOSK-nyń áskerı qyzmetshileri de bul saıysta baq synasty.

Jarys barysynda áskerı qyzmetshiler jekeleı jáne komandalyq esepte saıysty. Tórt adamnan turatyn estafetada qatysýshynyń jasyna shek qoıylmasa, jekeleı jarysta sýǵa júzýshiler jas ereksheligine qaraı bólindi. 30 jasqa deıingi jáne 40-tan joǵary jastaǵylar arasynda birinshi oryndy AOSK-nyń músheleri ıelendi. Máselen, 40 jastan joǵarylar arasynda AOSK-nyń bastyǵy polkovnık Erlan Talasbaev óziniń sheberligin baıqatty.

Sondaı-aq Qazaqstannyń Áskerı-teńiz kúshteriniń bas qolbasshysy, kontr-admıral Jandarbek Januzaqov ta jas mamandarǵa jaqsy úlgi bolarlyqtaı óner kórsetti. Ol júz metrlik ara qashyqtyqty jyldam ári jeńil júzip ótip, úzdik nátıjege qol jetkizdi.

Al, áıelder arasynda AOSK-nyń áskerı qyzmetkeri leıtenant Tatıana Soloveva úzdik atandy. Jeke júzýde ol 50 metrlik qashyqtyqty 53.34 sekýndta júzip ótti.

AOSK-nyń basshysy mundaı chempıonattyń endi jyl saıyn ótip turatyndyǵyn jáne jeńiske umtylǵandar úshin ol únemi jattyǵyp, úlken jetistikke jetýine múmkindik beretindigin atap ótti.