Áskerı qyzmetshiler arasynda tekvondodan respýblıkalyq chempıonat ótedi
ASTANA. Aqpannyń 4-i. QazAqparat - Aqpannyń 6-synda Almaty qalasynda Qazaqstan Respýblıkasy áskerı basqarý jáne qylmystyq izdestirý organdary Úılestirý Keńesiniń, Áskerı-sporttyq klýbtar federatsııasynyń qoldaýymen áskerı qyzmetshiler arasynda tekvondodan Qazaqstan Respýblıkasynyń 3 chempıonaty ótedi.
Bul aqparatty elimizdiń Bas áskerı prokýratýrasynyń baspasóz qyzmeti taratyp otyr.
Baspasóz qyzmetiniń taratqan aqparatyna sáıkes, 2010 jylǵy áskerılerdiń álem chempıonatyna irikteý retinde ótetin jarysqa Qurlyq áskerleriniń áskerı ınstıtýty, Aeroutqyr áskerleri, Qyzylorda oblystyq ishki ister departamenti, Almaty qalalyq ulttyq qaýipsizdik komıteti departamenti, Іshki áskerlerdiń «Búrkit» arnaıy bólimshesi, Atyraý oblystyq kedendik baqylaý departamenti, «Dınamo» dene shynyqtyrý sporttyq qoǵamynyń Jambyl oblystyq fılıaly, Batys Qazaqstan ýnıversıteti Aqtóbe fılıalynyń áskerı kafedrasy, Almaty qalalyq áskerı-sport klýby komandalary qatyspaq.
