Áskerı qyzmetshiler arasynda COVID-19 juqtyrý jaǵdaıy 16% tómendedi
Baspasóz qyzmetiniń málimetterine qaraǵanda, jaýyngerlik daıarlyq jumystarynyń barlyǵy eldegi sanıtarlyq-epıdemıologııalyq ahýaldy eskere otyryp, barynsha urys jaǵdaıyna keltirilip júrgizildi. Sonymen qatar, COVID-19 ári qaraı taralaýyn joıý jóninde sharalar qabyldanýda.
Qazirgi ýaqytta elde COVID-19 taralý qarqyny artyp keledi. «Qyzyl» aımaqta Astana, sondaı-aq Aqmola, Atyraý, Qostanaı jáne Pavlodar oblystary ornalasqan. Osyǵan qaramastan, QR Qarýly Kúshterinde syrqattanýdyń ósýi tómendegeni baıqalady.
QR Qorǵanys mınıstri general-leıtenant Nurlan Ermekbaev qorǵanys vedomstvosynda ótken apparat keńesinde Qarýly Kúshterdegi epıdemıologııaǵa qarsy ahýal týraly Bas áskerı-medıtsınalyq basqarmanyń aqparatyn tyńdady.
Sońǵy jeti táýlikte áskerı qyzmetshiler arasynda COVID-19 juqtyrý jaǵdaıy ótken aptaǵa qaraǵanda 16%-ǵa tómendedi.
Qarýly Kúshterdiń eki PTR-zerthanasy bazasynda 800-den astam dıagnostıkalyq zertteýler júrgizildi. Aqtaý men Semeıde taǵy eki jańa medıtsınalyq zerthana keshenin óristetý boıynsha sharalar qabyldandy, olardy paıdalanýǵa berý úshin qajetti qujattar resimdeledi.
«Qyzyl» aımaqtaǵy jeke quramnyń keminde 80 paıyzy qashyqtan jumys isteý túrine aýystyrylatyn bolady, buqaralyq is-sharalar men toptyq sabaqtar ótkizýge tyıym salynady.
Kelisimshart qyzmetiniń áskerı qyzmetshileri úshin mamandyq boıynsha oqytý baǵdarlamalary jáne úı jaǵdaıynda oryndaýǵa arnalǵan dene jattyǵýlarynyń kesheni ázirlendi. Karantınnen shyǵý boıynsha áskerı qyzmetshilerdiń dene daıarlyǵy deńgeıin jáne oqý materıalyn meńgerý sapasyna tekserý uıymdastyrylady.
Qorǵanys vedomstvosynyń basshysy Qarýly Kúshter men bólimshelerdiń basshylyǵyna karantın rejımin saqtaý máselelerin erekshe baqylaýda ustaýdy, sondaı-aq taıaýdaǵy toqsan ishinde eldegi epıdemıologııalyq ahýaldyń kúrt shıelenisýine jedel den qoıýdy tapsyrdy.
QR Qorǵanys mınıstrliginde ótken apparattyq keńeste qysqy jaǵdaılar men koronavırýstyń taralýy jaýyngerlik daıarlyqtyń josparlanǵan is-sharalaryn iske asyrý qajettiligin joımaıtynyn, sonymen qatar, onyń barysyna udaıy túrde nazarǵa alynatynyn atap ótti.
Qazirgi ýaqytta bazalyq áskerı býyn - bólimshelerdi daıarlaý naqty atys mindetterin sheshýmen ártúrli urys túrlerindegi is-qımyldar kezinde ózara is-qımyldyń úılesimdiligin jetildirýge, bólimsheler komandırlerin óz baǵynystylaryn basqarýǵa úıretýge, jeke quramnyń dalalyq daǵdysyn jetildirýge baǵyttalǵan.
Áskerı atys alańdary men oqý-taktıkalyq polıgondarda aǵymdaǵy daıyndyqtyń sońǵy kezeńinde dástúr boıynsha oqytýda paıdalanylatyn qarý-jaraqtyń barlyq túrlerinen jaýyngerlik atys ótedi. Bul rette atystardyń kem degende 30%-yn ótkizý táýliktiń túngi ýaqytynda josparlanǵan.
Qubylmaly áskerı-taktıkalyq jaǵdaılardy eskere otyryp, QR Qorǵanys mınıstri fortıfıkatsııalyq qurylystar men ınjenerlik pozıtsııalardy jabdyqtaý, ushqyshsyz ushý apparattaryna qarsy is-qımyl elementteri boıynsha sabaqtar ótkizý qajettigin atap ótti. Bul rette general-leıtenant N. Ermekbaev barlyq deńgeıdegi komandalyq quramnyń nazaryn jattyǵýlar ótkizý kezinde qaýipsizdik sharalaryn saqtaýǵa aýdardy.
- Dala sabaqtarynda jeke quramnyń sýyqtap qalýy men úsik shalý oqıǵalaryn boldyrmaý jaıly sharalar qabyldaý qajet. Jylyný pýnktterin ashyp, áskerı qyzmetshilerdi jyly kıim-keshekpen jáne ystyq tamaqpen qamtamasyz etý kerek, – dep atap ótti ol.
