Áskerı qyzmetshi Álibek Qalbaıdyń ólimine qatysty kúdikti ustaldy

NUR-SULTAN. QazAqparat - Áskerı qyzmetshi Álibek Qalbaıdyń ólimi boıynsha kúdikti ustaldy. Bul týraly QR Bas prokýratýrasy habarlady.

«Kúdikti birge shaqyrylǵan sarbazdyń áriptesi bolyp shyqty. Ustaýǵa kýágerdiń aıǵaqtary jáne zorlyq-zombylyq ólim belgileri bar sot-medıtsınalyq saraptamanyń nátıjeleri negiz boldy. Materıaldar sotqa qamaýǵa alýǵa bultartpaý sharasyn sanktsııalaý úshin jiberildi.Kúdiktiniń is-áreketi adamnyń ólimine ákep soqqan jarǵylyq erejelerdi buzý retinde saralanǵan (QR QK 440-baby 4-bóligi)», - delingen habarlamada.

Sotqa deıingi is júrgizý jalǵasýda.

Eske sala keteıik, Álibek Qalbaı Jambyl oblysyndaǵy Gvardeısk áskerı qalashyǵyndaǵy gospıtalde merzimdi áskerı qyzmetke shaqyrylyp, sol jerde qaıtys boldy.

Prezıdent áskerde qaza tapqan Álibek Qalbaıdyń otbasyna kóńil aıtyp, istiń sebebin anyqtaýdy tapsyrdy.