Áskerı qyzmetkerler qyzmettik úıdi qalaı jekeshelendiredi
Sondaı-aq OKQ alańynda ótken baspasóz máslıhatynda áskerı qyzmetkerlerdi baspanamen qamtamasyz etý máselesi de aıtyldy.
«Turǵyn úı týraly jańa zańnamaǵa sáıkes 2013 jyldyń 1 qańtarynan bastap qyzmettik kúntizbemen eseptegende eńbek ótili 10 jyldan joǵary, biraq 20 jylǵa jetpegen áskerı qyzmetkerlerge ózi turyp jatqan qyzmettik úıdi qaldyq quny boıynsha satyp alý quqyǵy berilgen. Degenmen qyzmettik úılerdiń jartysy derlik jabyq áskerı aımaqta ornalasqandyqtan olardy jekeshelendirýge ruqsat etilmeıdi. Osy maqsatta áskerılerge jekeshelendirýge beriletin úımen aıyrbastaý múmkindigi qarastyryldy», -dedi vıtse-mınıstr.
Onyń aıtýynsha, áskerı qyzmetkerlerdiń baspana máselesin sheshýdiń negizgi tetigi - barlyq sanattaǵy mamandar úshin biryńǵaı turǵyn úı tóleminiń engizilýi.
«Sonymen qatar áskerı salada 20 jáne odan kóp jyl eńbek etken áskerılerge qyzmettik úıdi óteýsiz jekeshelendirý quqyǵy qaıtaryldy. Al qyzmettik turǵyn úılermen qamtamasyz etilgen áskerı qyzmetkerler ekinshi deńgeıli bankterdegi jeke arnaıy shottaryna turǵyn úı tólemderiniń 50% aýdarylady Turǵyn úılermen qamtamasyz etilmegen áskerı qyzmetshilerge ekinshi deńgeıli bankterdegi jeke arnaıy shottaryna turǵyn úı tólemderiniń 100% aýdarylady», - dedi T. Muhtarov.
Budan bólek, qorǵanys vıtse-mınıstri ótken jyly 2 myńǵa jýyq áskerı qyzmetkerdiń baspanamen qamtamasyz etilgenin málim etken bolatyn.
