Áskerı qyzmetker Qostanaıdaǵy shahmat týrnırin utty
QOSTANAI. QazAqparat - Ýfımtsev atyndaǵy shahmat klýbynda Táýelsizdiktiń 26 jyldyǵyna arnalǵan jyldam shahmattan týrnır aıaqtaldy, dep habarlaıdy QazAqparat.
Dástúrli týrnır Qostanaı oblysy ákiminiń kýbogy úshin ótti. Oblystyń barlyq aýdan-qalasynan 40-qa taıaý sportshy keldi. Uıymdastyrýshylardyń sózinshe, qatysýshylardyń jasyna shekteý qoıylmady. Máselen, Ádilhan Ádilbekovtiń jasy - altyda. Ol aımaq basshysy Arhımed Muhambetovtiń qolynan estelik kýbok pen aqshalaı syılyq aldy.
Jarys nátıjesine kelsek, jyldam shahmattan ótken Qostanaı oblysy ákiminiń kýbogy Danııar Medibaevqa buıyrdy. 10,5 upaı enshilegen shahmatshyǵa 200 myń teńge berildi. Týrnır jeńimpazy QR Qorǵanys mınıstrliginde jumys isteıdi.
Ekinshi orynda - Petr Kostenko. Kostenko ústimizdegi jyly Azııa chempıonatynda «qola» medal ıelengen edi. Al úzdik úshtikti Rýslan Salımov qorytyndylady. Ol Shyńǵyshan Sarjanovtan basym tústi. Sońǵysy klassıkalyq shahmattan oblys chempıony atanǵan edi.
«Osymen 26-ret ótkizilgen týrnır Táýelsizdik kúnimen tuspa-tus keldi. Árıne, qostanaılyq shahmatshylardyń bıylǵy jetistikteri qýantady. Ekinshi jaǵynan, shahmat jarysyna qatysýshylardy áli de kóptep tartý kerek. Men de jas kezimde shahmatpen turaqty túrde aınalystym. Bul sporttyń paıdasy zor. Ómirde kóp jaǵdaıda kómektesedi», - dedi oblys ákimi marapattaý saltanatynda.
Aıta ketý kerek, buǵan deıin Arhımed Muhambetov Qostanaıdaǵy daryndy balalarǵa arnalǵan «Ozat» mektebiniń oqýshysy Daıana Ábilovamen, sondaı-aq, №24 «a» mektebiniń 3 synyp oqýshysy Hantemir Ábishevpen blıts-oıyn ótkizgen bolatyn.
