«Áskerı qyzmet jáne áskerı qyzmetshilerdiń mártebesi týraly» Zań qabyldandy - Senat
ASTANA. 18 qańtar. QazAqparat /Rýslan Ǵabbasov/ - Búgin QR Parlamenti Senatynyń depýtattary jalpy otyrysta «Áskerı qyzmet jáne áskerı qyzmetshilerdiń mártebesi týraly» Zańdy qabyldady.
Atalǵan qujat boıynsha QR Qorǵanys mınıstriniń birinshi orynbasary, Shtabtar bastyqtary komıtetiniń tóraǵasy Sáken Jasuzaqov baıandama jasady.
Zań jobasynyń maqsaty qoldanystaǵy zańnamany jetildirý jáne áskerı qyzmet, sondaı-aq áskerı qyzmetshilerdiń mártebesi salasyndaǵy quqyqtyq olqylyqtardy joıý, olardyń áleýmettik jáne quqyqtyq qorǵalý kepildigin qamtamasyz etý bolyp tabylady. Osy zań jobasymen áskerı qyzmet ótkerý bóliginde birtekti qoǵamdyq qatynastardy retteıtin «Áskerı qyzmetshiler men olardyń otbasy músheleriniń mártebesi jáne olardy áleýmettik qorǵaý týraly», «Áskerı mindettilik jáne áskerı qyzmet týraly» Qazaqstan zańdarynyń normalary biryńǵaı Zańǵa biriktiriledi.
Zań jobasymen júzege asyratyn qyzmetiniń sıpatyna qaraı áskerı qyzmetshilerdiń mártebesi, olardyń quqyqtary men mindetteri aıqyndaldy. Sondaı-aq, áskerı qyzmet ótkergen kezeńinde olarǵa memleket esebinen qyzmettik turǵyn úı berý nemese turǵyn úı jaldaǵany úshin shyǵystardy óteý arqyly turǵyn úımen qamtamasyz etýdiń jańa júıesi kózdeledi.
