Áskerı qyzmetke shaqyrylǵan jastarǵa qandaı jeńildikter qarastyrylǵan

Olardyń ishinde 11 myńnan astamy Qarýly kúshterdiń qatarynda merzimdi áskerı qyzmetin óteıtin bolsa, 7 myńnan astamy — ІІM Ulttyq ulanyna, 2 myńǵa jýyǵy — Ulttyq qaýipsizdik komıtetiniń Shekara qyzmetine, 400-ge tarta — Tótenshe jaǵdaılar mınıstrligine, al 300 azamat — Memlekettik kúzet qyzmetine jiberildi.

Áskerı qyzmetke shaqyrý týraly habarlamalar azamattarǵa SMS-habarlama jáne eGov portalyndaǵy jeke kabıneti arqyly joldandy. Áskerge shaqyrýdy keıinge qaldyrý jáne odan bosatý rásimderi avtomatty túrde iske asyryldy.

— Shaqyrý naýqany barysynda Qorǵanys mınıstrliginiń Uıymdastyrý-jumyldyrý jumystary departamenti jergilikti áskerı basqarý organdarymen birlesip, azamattardy áskerge shaqyrý máseleleri boıynsha jan-jaqty aqparattandyrý jumystaryn júrgizdi. «Qaýyrt jeli» telefondary, azamattardy jeke qabyldaý jáne aqparattyq-túsindirý kezdesýleri barysynda shaqyrylýshylar men olardyń ata-analary ózderin qyzyqtyrǵan barlyq suraqtarǵa tolyqqandy jaýap aldy, — delingen habarlamada.

Jergilikti atqarýshy organdar shaqyrý is-sharalaryn uıymdastyrýdy jáne ótkizýdi, shaqyrý jáne medıtsınalyq komıssııalardyń jumysyn qamtamasyz etip, olardyń tıimdi qyzmeti úshin qajetti jaǵdaı jasady.

Búginde Qarýly kúshter qataryndaǵy qyzmet jas azamattarǵa eńbek naryǵynda suranysqa ıe jumysshy mamandyǵyn meńgerýge múmkindik beretinin aıta ketken jón. Áskerı qyzmet kezinde bankter men qarjy uıymdary aldynda mindettemeleri bar sarbazdarǵa nesıelik demalys beriledi. Al áskerı qyzmetin aıaqtaǵannan keıin jaýyngerlik daıarlyqta úzdik nátıje kórsetkender joǵary oqý oryndaryna memlekettik bilim granty negizinde túse alady. Qalǵandary UBT tapsyrmaı-aq aqyly bólimge qabyldaný múmkindigine ıe bolady. 

Aıta ketelik elordadan shaqyrylǵan sarbazdar qandaı áskerı bólimderde boryshyn ótep júrgeni týraly jazǵan edik.