Áskerı kemelerdiń soqtyǵysýy: Úndistan men Pákistan narazylyq bildirdi
ASTANA. KAZINFORM — Pákistan Oman shyǵanaǵynda bolǵan áskerı kemelerdiń qaqtyǵysyna baılanysty Úndistanǵa narazylyq bildirdi. Islamabadtyń málimdeýinshe, úndistandyq áskerı keme Pákistannyń ekonomıkalyq aımaǵynda qaýipti manevr jasaǵan. Bul týraly Kazinform Anadoly agenttigine silteme jasap habarlaıdy.
Pákistan Syrtqy ister mınıstrligi Oman shyǵanaǵynda bolǵan áskerı kemelerdiń soqtyǵysýyna qatysty málimdeme jasady. Osyǵan baılanysty Úndistannyń Islamabadtaǵy ýaqytsha senimdi ókili mınıstrlikke shaqyrylyp, úndistandyq tarapqa qatań narazylyq bildirildi.
Pákistannyń aıryqsha ekonomıkalyq aımaǵynda ótip jatqan «SEASPARK-26» áskerı-teńiz jattyǵýlary kezinde Úndistannyń áskerı kemesi Pákistannyń áskerı kemesine tym jaqyn kelip, qaýipti manevr jasaǵan. Saldarynan eki eldiń kemesi soqtyǵysqan.
Pákistan Úndistannyń áreketin agressııalyq qadam dep atap, ony qatań aıyptady. Islamabad Nıý-Delıden halyqaralyq quqyq normalaryn jáne teńizdegi keleńsiz oqıǵalardyń aldyn alýǵa arnalǵan ekijaqty kelisimderdi saqtaýdy talap etti.
Úndistan da áskerı kemelerdiń soqtyǵysýyna baılanysty Pákistanǵa narazylyq bildirdi
Úndistan Syrtqy ister mınıstrligi sol kúni jarııalaǵan málimdemede Oman shyǵanaǵynda eki eldiń áskerı kemeleri soqtyǵysqany aıtylǵan.
Syrtqy ister mınıstrliginiń málimdeýinshe, Pákistan áskerı-teńiz kúshteriniń «qabyldanbaıtyn ári kásibı talaptarǵa saı emes áreketi» úndistandyq áskerı kemege soqtyǵysýǵa sebep bolǵan. Osyǵan baılanysty Pákistannyń Nıý-Delıdegi ýaqytsha senimdi ókili mınıstrlikke shaqyrylyp, oǵan Úndistan tarapynyń narazylyǵy jetkizildi.
Buǵan deıin Tramp Saýd Arabııasy, Túrkııa jáne Pákistan arasyndaǵy qorǵanys kelisimine qoldaý bildirgeni habarlanǵan bolatyn.
Aqzat Jıenalına
