Áskerı kemeler ekıpajdary kýrstyq tapsyrmany oryndaýǵa kiristi
«Teńizshiler jerdegi jáne sýdaǵy obektilerge qarsy oqý-jaýyngerlik is-qımylyn júrgizip, qarsylastyń kúshteri men quraldaryna belsendi radıoelektrondyq qarsy is-qımyl jaǵdaıynda sýasty qaıyǵymen áskerı urys tapsyrmalaryn oryndaıdy. Ekıpajdar qutqarý qurylǵylary men quraldaryn paıdalana otyryp, jeke kemeni qutqarý jattyǵýyn ótkizedi», – dedi ártekti kemeler dıvızıonynyń komandıri ІІ dárejeli kapıtan Rýstam Júnisov.
Teńizshiler oqý-jaýyngerlik tapsyrmany oryndaý sheńberinde korabldi urysqa jáne joryqqa jasyryn daıyndaý normatıvterin pysyqtap, radıatsııalyq, hımııalyq jáne bıologııalyq qorǵaýdy uıymdastyrady. Daýyldy jaǵdaılarda jáne kórý múmkindigi shekteýli kezde júzýge daıyndyq júrgizedi.
Budan ózge, teńizde korabldiń qorǵanysy men qorǵalýyn uıymdastyrý tekseriledi. Sonymen qatar, ekıpajdyń ómirsheńdigi úshin kúres qımyldary da pysyqtalady.
Aıta ketsek, qarýly kúshterdegi jaýyngerlik daıarlyq is-sharalary el Prezıdenti Qasym-Jomart Toqaevtyń Qazaqstan armııasynyń jaýyngerlik qabiletin túbegeıli arttyrý jónindegi tapsyrmalaryn iske asyrý sheńberinde júrgizilip jatyr.
Eske salaıyq, buǵan deıin Qorǵanys mınıstri Soltústik óńirlik qolbasshylyǵy nege qurylmaǵanyn túsindirgen bolatyn.
