Áskerı kazarmalardy tolyqtaı beınebaqylaý kameralarymen qamtý jumystary qashan aıaqtalady
ASTANA. KAZINFORM – Qorǵanys mınıstrligi qaýipsizdikti qamtamasyz etý boıynsha keshendi jospar aıasynda jumys istep jatyr. Bul jóninde Májilistiń kýlýarynda QR Qorǵanys mınıstriniń tárbıe jáne ıdeologııalyq jumystar jónindegi orynbasary Asqar Mustabekov málimdedi.
– Bizde qaýipsizdikti qamtamasyz etý boıynsha jumystardyń keshendi jospary bar. Bıyl jyl sońyna deıin ne kelesi jylǵa deıin barlyq kazarmaǵa beınebaqylaý ornatylady dep oılaımyn. Sonymen birge, jasandy ıntellekt engizilip, ol derekterge taldaý júrgizedi, – dedi Asqar Mustabekov.
Aıta keteıik, buǵan deıin Qarýly kúshterde jańa transformatsııa ortalyǵy iske qosylǵanyn jáne áskerı logıstıka tsıfrlanatynyn jazǵanbyz.
