Áskerı kafedralardyń aıryqsha kózge túsken stýdentteriniń stıpendııasyna ústeme qarjy tóleý usynysy jasaldy
ASTANA. 17 aqpan. QazAqparat - Búgin Astanada ótip jatqan ǵylymı-tájirıbelik konferentsııada joǵary oqý oryndary janyndaǵy áskerı kafedralardyń aıryqsha kózge túsken stýdentteriniń stıpendııasyna ústeme qarjy tóleý jóninde usynys jasaldy.
Bundaı usynysty QR Qorǵanys mınıstrligi Áskerı bilim jáne ǵylym departamenti «Halyqaralyq qatynastar» basqarmasynyń bólim bastyǵy Sansyzbaı Baǵazın aıtty.
S. Baıǵazın jasaqtyq rezerv daıyndyǵy memlekettik mańyzdylyq maqsaty bolyp tabylatynyn jáne buǵan bıýdjet qarjysy bólinip otyrǵandyǵyn aıtyp ótti. «Osyǵan baılanysty ákerı daıyndyqqa degen qarym-qatynas tıisti deńgeıde bolýy shart. Áskerı kafedra osy baǵyttaǵy oqý úderisine selqos qaraıtyn stýdentterge yqpal etetin naqty tetikke ıe bolýy qajet»,-dedi ol.
S. Baıǵazınniń paıymdaýynsha, áskerı kafedrada aıryqsha kózge túsken stýdentter úshin stıpendııanyń ústine qosymsha qarjy tóleý arqyly yntalandyrý sharalaryn iske asyrýǵa bolady. Sonymen qatar jataqhanadan bólme alý kezinde de atalǵan stýdentterge tıisti basymdyqtar eskerilýi kerek. «Budan bólek, ýnıversıtette aqyly negizde oqıtyn stýdentterge osyndaı sharalar aıryqsha yntalandyrý bolýy da tıis»,-dep túıindedi ol.
Aıta keteıik, búginde Qazaqstandaǵy joǵary oqý oryndary janyndaǵy 24 áskerı kafedralarda 10 myńnan astam stýdent tálim alýda. 2011 jyly osy áskerı kafedrlardy 3,6 myńǵa jýyǵy aıaqtady.
