Áskerı ınstıtýttar men gospıtaldegi jumys barysy tekserildi
ASTANA. KAZINFORM — Qorǵanys mınıstriniń tárbıe jáne ıdeologııalyq jumys jónindegi orynbasary general-maıor Asqar Mustabekov atalǵan óńirde bolashaq ofıtserlerdi daıarlaý barysymen tanysyp, áskerı qyzmetshilerdi medıtsınalyq qamtamasyz etý qalaı uıymdastyrylatynyn kórdi.
Radıoelektronıka jáne baılanys áskerı-ınjenerlik ınstıtýtynda mınıstrdiń orynbasary joǵary oqý orny basshylyǵynyń oqý-tárbıe qyzmetiniń aǵymdaǵy kórsetkishteri, kýrsanttardy daıarlaý nátıjeleri jáne qos dıplomdy bilim berý baǵdarlamalaryn iske asyrý perspektıvalary týraly baıandamasyn tyńdady. Bilim ordasynyń oqý-materıaldyq bazasymen jáne ınfraqurylymdyq obektilerimen tanysqanda ol mamandandyrylǵan aýdıtorııalardy jáne beıindik pánder boıynsha praktıkalyq daǵdylardy jetildirýge arnalǵan vırtýaldy jattyqtyrý keshenin qarap shyqty.
Saǵadat Nurmaǵambetov atyndaǵy Qurlyq áskerleriniń áskerı ınstıtýtyna barǵanda general-maıor Asqar Mustabekov Qarýly kúshter quramalaryna basshylyq quram kadrlaryn daıarlaýǵa jiti nazar aýdardy. Áskerı oqý ornynda ótken keńes aıasynda kadrlyq áleýetti nyǵaıtý jáne bilim berý baǵdarlamalaryn jetildirý máseleleri qaraldy. Dárejeli oqytýshylardyń úlesin arttyrý jáne memlekettik tilde beıindik ádebıetterdi basyp shyǵarý qajettiligi de nazardan tys qalmady.
Qorǵanys mınıstrliginiń áskerı-klınıkalyq gospıtalinde general-maıor Asqar Mustabekov emdeý protsesiniń qalaı uıymdastyrylatynyn, patsıentterdi keshendi tekserýge jáne dál dıagnostıkalaýǵa arnalǵan zamanaýı emdeý jáne dıagnostıkalyq apparattardy kórdi. Bólimshelerdi aralaý barysynda ol emdelip jatqan áskerı qyzmetshilerdiń densaýlyǵy men medıtsınalyq kómek kórsetý sapasyna mán berdi.
Jumys saparynyń sońynda Qorǵanys mınıstriniń orynbasary bilim berý, tárbıe qyzmetin odan ári jetildirý, sonymen qosa Qarýly kúshteriniń áskerı qyzmetshilerin medıtsınalyq qamtamasyz etýdiń tıimdiligin arttyrý jóninde naqty tapsyrmalar berdi.
Aıta ketelik ata-analar Beıneý garnızonyna baryp, jeke quramnyń jaǵdaıymen tanysqan edi.