Áskerı ınstıtýtta alǵash ret áskerı jýrnalıstıka mamandyǵy oqytylmaq
ASTANA. KAZINFORM — Bıyl alǵash ret Qazaqstan Respýblıkasy Qorǵanys mınıstrliginiń Radıoelektronıka jáne baılanys áskerı-ınjenerlik ınstıtýty jańa mamandyqqa qujat qabyldaýdy júrgizip jatyr. Bul týraly Qorǵanys mınıstrliginiń baspasóz qyzmeti málim etti.
«Nazar aýdaryńyz! 2024 jyly alǵash ret Qazaqstan Respýblıkasy Qorǵanys mınıstrliginiń Radıoelektronıka jáne baılanys áskerı-ınjenerlik ınstıtýtynda jańa mamandyqqa qabyldaý júrgizilip jatyr. Mamandyǵy: „Áskerı istegi jýrnalıstıka jáne qoǵammen baılanys“, — delingen habarlamada.
Málim bolǵandaı, qujattardy tapsyrý merzimi 2024 jyldyń 10 tamyzyna deıin jalǵasady.
Qajetti qujattar:
Attestat / dıplom + qosymsha (túpnusqa jáne kóshirme)
Jeke kýálik (túpnusqa jáne kóshirme)
UBT sertıfıkaty
Jeńildikter men kvotalardy rastaıtyn sertıfıkattar (túpnusqa jáne kóshirme)
Foto 3×4 — 6 dana.
063/ý nysanyndaǵy medıtsınalyq anyqtama (kóshirmesi)
075/ý nysanyndaǵy medıtsınalyq anyqtama
Shyǵarmashylyq emtıhanǵa mynalar kiredi:
Motıvatsııalyq jáne problemalyq esse jazý,
suhbat júrgizý
Arnaıy pánder boıynsha oqý protsesi Ál-Farabı atyndaǵy QazUÝ bazasynda ótedi.
«Biregeı baǵdarlamanyń bir bóligi bolý jáne áskerı saladaǵy jýrnalıstıka men qoǵammen baılanys baǵytyndaǵy mansabyńyzdy damytý múmkindigin jiberip almańyz! Qujattardy tapsyryńyz jáne jańa bastamalarǵa daıyn ekenińizdi kórsetińiz», — dep habarlady ınstıtýttan.
Qosymsha aqparat pen keńes alý úshin Radıoelektronıka jáne baılanys áskerı ınjenerlik ınstıtýtynyń qabyldaý komıssııasyna habarlasyńyz.
Qabyldaý komıssııasynyń baılanys nómiri: 87273036873
