Áskerı-dıplomatııalyq korpýs ókilderi Aqtaý áskerı-teńiz bazasynda boldy

AQTAÝ. QazAqparat - Áskerı-dıplomatııalyq korpýs ókilderi Aqtaýdaǵy áskerı-teńiz bazasyna saparmen bardy, dep habarlaıdy QazAqparat Qorǵanys mınıstrliginiń baspasóz qyzmetine silteme jasap.

Azııadaǵy ózara is-qımyl jáne senim sharalary jónindegi keńestiń áskerı-saıası ólsheminde yntymaqtastyqty nyǵaıtý sheńberinde QR KK Áskerı-teńiz kúshteriniń áskerı-teńiz bazasyna saıahat uıymdastyryldy.

Áskerı nysanǵa AÓSShK múshe-memleketteriniń áskerı vedomstvolarynan, Qazaqstan Respýblıkasynyń qorǵanys jáne syrtqy ister mınıstrlikterinen, AÓSShK Hatshylyǵynan, Qazaqstanda akkredıttelgen qorǵanys máseleleri boıynsha áskerı attasheler, Astanadaǵy EQYU Keńse baǵdarlamalary sekildi halyqaralyq uıymdar, AÓSShK baqylaýshy memleketterden 13 adam saparlap bardy.

Sapar barysynda qatysýshylarǵa Qazaqstan Respýblıkasynyń Qorǵanys mınıstrliginen, AÓSShK Hatshylyǵynan jáne Túrkııa Respýblıkasynan birqatar prezentatsııalar usynyldy. Odan keıin bólimniń qolbasshylyǵymen bazanyń qurylý tarıhy jáne negizgi mindetteri týraly brıfıng ótkizildi.

Delegatsııa kishi keme mamandaryn daıyndaý boıynsha oqý ortalyǵyn jáne murajaıdy aralap, oqý-jattyǵý stantsııasyna bardy.