Áskerı daıyndyq kabınetteriniń kóbi eskirgen

ASTANA. KAZINFORM — Qazaqstanda áskerı daıyndyq páni boıynsha oqý kabınetteriniń birqatary jańartýdy qajet etedi. Bul týraly QR Oqý-aǵartý vıtse-mınıstri Shynar Aqparova Májiliste málim etti.

Vıtse-mınıstrdiń aıtýynsha, birqatar mektepte pán kabınetteriniń materıaldyq-tehnıkalyq bazasy eskirgen.

– Áskerı daıyndyq kabınetterin jańartý úshin jergilikti atqarýshy organdar tarapynan qarjylandyrý qajet. Bul jumystar jergilikti bıýdjet esebinen júzege asyrylady, – dedi ol.

Onyń sózinshe, osyǵan baılanysty jabdyqtaý normalaryn qaıta qaraý máselesi de pysyqtalyp jatyr.

– Qajet bolǵan jaǵdaıda qoldanystaǵy normatıvterge ózgerister engizý qarastyrylady, – dedi vıtse-mınıstr.

Sonymen qatar bul baǵyttaǵy jumystar kezeń-kezeńimen júrgizilip jatyr.

– Qazirgi tańda áskerı daıyndyq kabınetteriniń 75%-y qajetti qural-jabdyqtarmen qamtamasyz etilgen, – dedi Shynar Aqparova.

Aıta keteıik, buǵan deıin áskerı daıyndyq pánin oqytý júıesin jetildirý máselesin habarlaǵan edi.