Áskerı-dárigerlik saraptamany júrgizý qaǵıdalaryna ózgerister engizildi

ASTANA. 25 tamyz. QazAqparat - QR Úkimeti áskerı-dárigerlik saraptamany júrgizý qaǵıdalaryna ózgerister engizdi.

 QazAqparat qujattyń mátinin taratady.

 Qazaqstan Respýblıkasy Úkimetiniń qaýlysy 2012 jylǵy 7 tamyz №1029 Astana, Úkimet Úıi

  «Áskerı-dárigerlik saraptamany júrgizý qaǵıdasyn jáne Áskerı-dárigerlik saraptama organdary týraly erejeni bekitý týraly» Qazaqstan Respýblıkasy Úkimetiniń 2010 jylǵy 30 qańtardaǵy № 44 qaýlysyna ózgerister engizý týraly

Qazaqstan Respýblıkasynyń «Qazaqstan Respýblıkasynyń arnaýly memlekettik organdary týraly» 2012 jylǵy 13 aqpandaǵy jáne «Áskerı qyzmet jáne áskerı qyzmetshilerdiń mártebesi týraly» 2012 jylǵy 16 aqpandaǵy zańdaryna sáıkes Qazaqstan Respýblıkasynyń Úkimeti qaýly etedi:

1. «Áskerı-dárigerlik saraptamany júrgizý qaǵıdasyn jáne Áskerı-dárigerlik saraptama organdary týraly erejeni bekitý týraly» Qazaqstan Respýblıkasy Úkimetiniń 2010 jylǵy 30 qańtardaǵy № 44 qaýlysyna (Qazaqstan Respýblıkasynyń PÚAJ-y, 2010 j., № 8, 100-qujat) mynadaı ózgerister engizilsin:

1) kórsetilgen qaýlymen bekitilgen Áskerı-dárigerlik saraptamany júrgizý qaǵıdasy osy qaýlyǵa 1-qosymshaǵa sáıkes jańa redaktsııada jazylsyn;

2) kórsetilgen qaýlymen bekitilgen Áskerı-dárigerlik saraptama organdary týraly ereje osy qaýlyǵa 2-qosymshaǵa sáıkes jańa redaktsııada jazylsyn.

2) Osy qaýly alǵashqy resmı jarııalanǵan kúninen bastap qoldanysqa engiziledi.

Qazaqstan Respýblıkasynyń Premer-Mınıstri  K. Másimov

Qaǵıdalar mátini respýblıkalyq BAQ-da jarııalanǵan.