Áskerı dabyl: QR ÁQK-niń ushqyshtary jerdegi «qarsylasyn» bombylady (FOTO)

ASTANA. QazAqparat - QR Qorǵanys mınıstri Imanǵalı Tasmaǵambetov tańerteń erte Qaraǵandy qalasyndaǵy 50185 áskerı bólimi men Almaty oblysyndaǵy desanttyq-shabýyl brıgadasyn oqý dabylynyń belgisi boıynsha jaýyngerlik daıarlyqtyń joǵary dárejesine jetkizdi.

«Ótkizilgen oqý-jattyǵýdyń basty maqsaty - basqarý organdary men jeke quramnyń qoıylǵan talaptardy oryndaýda birlesken is-qımylynyń tıimdiligin arttyrý», - dep habarlaıdy QR Qorǵanys mınıstrliginiń baspasóz qyzmetinen.

Qorǵanys vedomstvosy mınıstriniń komandasymen Áýe qorǵanysy kúshteriniń quramynan jaýyngerlik kezekshilikti júrgizip otyrǵan kúshter men quraldar áýege kóterildi. Taldyqorǵan qalasyndaǵy ÁQK-niń 21751 áskerı bóliminiń ushqyshtary oqý-jaýyngerlik dabyl kezinde shartty áýe nysanalaryna tosqaýyl qoıyp, jerdegi «qarsylasyn» bombylady.

Atalǵan tekseristiń basty ereksheligi - onyń jasaqtar úshin kútpegen jerden bolýy. Bul rette ótkizilgen sharalar tekserilgen quramalardyń áskerı daıarlyǵynyń jaǵdaıyn baǵalaýǵa, qazirgi problemalardy ashýǵa, komandırler men barlyq jeke quramǵa qoıylǵan mindetterdi oryndaýda tájirıbe alýyna múmkindik berdi.

«Sonymen birge áskerı daıarlyq jaǵdaıynda jáne jeke quramnyń jattyǵýshy deńgeıinde birqatar júıelik kemshilikter anyqtalǵan», - delingen habarlamada.