Áskerı boryshyn ótegen jastarǵa memlekettik bilim granty beriledi
ASTANA. KAZINFORM — Merzimdi áskerı qyzmetin ótegen azamattarǵa beriletin bilim berý jeńildikteri keńeıtildi. Bul týraly OKQ-de ótken baspasóz máslıhatynda QR Qorǵanys mınıstrligi Áskerı bilim jáne ǵylym departamentiniń bastyǵy, polkovnık Murat Oljabaev málimdedi.
— 2025 jyldan bastap merzimdi áskerı qyzmetin ótegen azamattarǵa tolyqqandy memlekettik bilim berý granttary beriledi. Grant ıegerleri joǵary oqý oryndarynda tegin bilim alyp, memlekettik shákirtaqy men jataqhanadan oryn alý múmkindigine ıe bolady. Merzimdi áskerı qyzmetten keıin joǵary oqý ornyna túsken azamattar konkýrsqa qatyspaı-aq áskerı kafedrada zapastaǵy ofıtserlerdi daıarlaý baǵdarlamasy boıynsha tegin bilim ala alady, — dedi spıker.
Departament basshysynyń sózinshe, konkýrstyq irikteýdiń nátıjeleri «Srochnıkı 2.0» platformasynda jáne jobanyń áleýmettik jelilerdegi resmı paraqshalarynda jarııalanady. Oqýǵa qabyldaý týraly sertıfıkattyń bar-joǵyn platformanyń «Іzdeý» bólimi arqyly jeke derekterdi engizip tekserýge bolady.
Aıta keteıik, bul joba Qazaqstan Respýblıkasy Qorǵanys mınıstrliginiń bastamasymen 2023 jyldan beri júzege asyrylyp keledi.
Eske salaıyq, áskerı kolledj túlekteri UBT-syz áskerı ınstıtýtqa túse alady.
