Áskerı bólimsheden órt shyqty
ASTANA. QazAqparat - Shyǵys Qazaqstan oblysynda Ulttyq gvardııanyń áskerı bólimshesinde órt boldy. Bul týraly QR ІІM Tótenshe jaǵdaılar komıtetiniń resmı ókili Nursultan Nurahmetov aıtty, dep habarlaıdy QazAqparat tilshisi.
«15 qarasha kúni órtke qarsy qyzmet pýltine Shyǵys Qazaqstan oblysynyń Shemonaıha aýdanyna qarasty Polovınka aýylyndaǵy Ulttyq gvardııanyń áskerı bólimshesinde órt bolyp jatqany týraly habarlama tústi. Kazarma jertólesindegi jıhazdar men qurylys materıaldary janyp, otqa oranǵan aýmaq 80 sharshy metrdi qurady. Saǵat 15-59-da órttiń aldy alynyp, saǵat 17-12-te tolyq sóndirildi. Qaza tapqandar men zardap shekkender joq», - dedi N.Nurahmetov.
Resmı ókil dereginshe, órtti Shyqys Qazaqstan oblystyq tótenshe jaǵdaılar departamenti jeke quramynyń 12 mamany men 2 tehnıkasy sóndirgen.
