Áskerı bólimnen qashqan jaýyngerge qarý urlaýmen qatar, adam óltirdi degen de kúdik taǵylýda - QR ІІM
ASTANA. QazAqparat - Almaty oblysyndaǵy 2177-áskerı bóliminen qashyp ketken jaýynger tek qarý urlaý boıynsha ǵana emes, adam óltirý faktisi boıynsha da kúdikti dep tabyldy. Bul týraly QazAqparat tilshisine QR ІІM baspasóz qyzmetinen habarlady.
«2177 á/b jaýyngeri S.M. Dáýlenbaıǵa qatysty ІІM «Ońtústik» óńirlik áskerı tergeý basqarmasy QR QK-niń 96-shy baby (kisi óltirý) jáne 225-baptyń 4-tarmaǵy «b» tarmaqshasy (qarý urlaý) boıynsha qylmystyq is qozǵady. Kúdikti QR QPK-tiń 132-baby boıynsha Almaty qalalyq ІІD ýaqytsha oqshaýlaý abaqtysyna qamalǵan. Tergeý amaldary júrgizilýde», - delingen habarlamada.
Aıta keteıik, áskerı bólimnen qashyp ketken qatardaǵy jaýynger Serik Dáýlenbaıdy QR UQK shekara qyzmeti 19 qyrkúıekte ustaǵan bolatyn. Odan Makarov tabeldik tapanshasy men oqtar tárkilengen.
