Áskerı bólimdegi jarylys: Tarazda 221 adam arnaıy jatyn oryndarmen qamtamasyz etildi

TARAZ. QazAqparat – Jambyl oblysynyń ákimdigi Facebook paraqshasynda Baızaq aýdanynda áskerı bólimniń qoımasynda bolǵan jarylysqa baılanysty tyń derekterdi jarııalady, dep habarlaıdy QazAqparat.

Óńirdiń tótenshe jaǵdaılar, quqyq qorǵaý jáne medıtsına salasynyń ókilderi barynsha jumyldyryldy.

Atalmysh máselege baılanysty qandaı da bir týyndaǵan suraqtar úshin:

- 109 telefon nómiri;

- 8-778- 810-91-09 vatsap jelisi arnaıy iske qosyldy.

Sonymen qatar,

- 8(7262) 51-41-67 telefon nómiri arqyly jedel jelige habarlasýǵa bolady.

Apat bolǵa aýmaqtan evakýatsııalanǵan turǵyndarǵa arnalyp, oblys ortalyǵynan 400-den astam oryn daıyndalǵan.

Qosymsha 1000-ǵa jýyq oryn daıyndaý múmkindigi qarastyrylǵan.

Onyń ishinde Taraz qalasynda 221 adam arnaıy jasaqtalǵan jatyn oryndarmen qamtamasyz etilgen.

Al Jýaly aýdany B. Momyshuly at. aýylda 18 adam tıisti oryndarǵa ornalastyryldy.

Sonymen qatar, jurtshylyqtan jáne BAQ ókilderinen tek qana resmı túrde jedel shtab tarapynan usynylatyn aqparatty nazarǵa alýdy suraımyz.

«Atalmysh jaǵdaı oryn alǵan aýmaqta Jambyl oblysynyń basshysy B.Saparbaev, elimizdiń Qorǵanys mınıstri N.Ermekbaev pen Tótenshe jaǵdaılar mınıstri ıÝ.Ilın qadamdar josparyn pysyqtaýda», - delingen habarlamada.

Aıta keteıik, búgin saǵat shamamen 19:00-de Jambyl oblysynyń Baızaq aýdanynda ornalasqan áskerı bólim qoımalarynyń birinen órt shyǵyp, jarylys boldy.