Áskerı bıletti tezdetip jasap berý úshin para alǵan sheneýnik ustaldy

NUR-SULTAN. QazAqparat - Qaraǵandy qalasynda aýdandyq qorǵanys isteri jónindegi bólimniń sheneýnigine qatysty qylmystyq is qozǵaldy. Bul týraly QR Sybaılas jemqorlyqqa qarsy is-qımyl agenttigi 1-shi departamenttiń asa mańyzdy ister jónindegi tergeýshisi Qaısar Barjaqsynov aıtty, dep habarlaıdy QazAqparat tilshisi.

«Qaraǵandy qalasy Oktıabr aýdanynyń Qorǵanys isteri jónindegi bólimi mobıldi josparlaý qyzmetiniń basshysyna qatysty qylmystyq is qozǵaldy», - dedi Qaısar Barjaqsynov.

Onyń atap ótýinshe, Qaraǵandy oblystyq sybaılas jemqorlyqqa qarsy qyzmet áskerı bıletti tezdetip berý jáne ákimshilik jaýapkershilikke tartpaý úshin para alý ústinde Qazaqstan Respýblıkasy Qorǵanys mınıstrliginiń Qaraǵandy qalasy Oktıabr aýdandyq qyzmetiniń basshysyn ustaǵan.

«Tergeý múddesine jáne QR QPK-niń 201-babyna sáıkes ózge aqparat jarııalaýǵa jatpaıdy», - dedi ol.