Áskerı baılanysshylardyń komandırlik daıarlyq boıynsha jıyny bolyp ótti - QR QM

ASTANA. QazAqparat - 44793 áskerı bóliminiń bazasynda Semeı garnızony quramalary men bólimderi baılanys rotalary komandırleriniń komandırlik daıarlyq boıynsha jıyny ótti. Bul týraly QR Qorǵanys mınıstrliginiń baspasóz qyzmeti habarlady.

Bul jıynǵa 44793, 36803, 28738 jáne 35411 áskerı bólimderinen 12 baılanys mamany qatysty.

Jıynnyń basty maqsaty - komandırlerdiń ádistemelik jáne tájirıbelik daǵdylaryn jetildirý, jeke qurammen tárbıe jáne ıdeologııalyq jumystar júrgizýge úıretý, sondaı-aq kásibı daıarlyq pen is-júzindegi daǵdylardy jetildirý.

Jıynda arnaıy jáne taktıkalyq daıarlyq, barlaý daıarlyǵy, moraldyq-psıhologııalyq qamtamasyz etý, ınjenerlik daıarlyq, RHBQ, áskerı topografııa jáne basqa da pánder boıynsha sabaqtar ótkizildi.

Bulardyń ereksheligi kásibı daıarlyqty, tájirıbelik daǵdylardy jetildirý jáne ony is júzinde qoldaný múmkindigi bolyp tabylady.

Esterińizge sala ketsek, ústimizdegi jyly osy áskerı bólimniń bazasynda «Shyǵys» óńirlik qolbasshylyǵy baılanys mamandarymen kýrstyq daıarlyq ótken bolatyn. Sabaqtarǵa 80-ge jýyq áskerı qyzmetshi tartyldy, olar toptyq jáne kórnekilik oqý-jattyǵýlarǵa qatysty. Baılanysshylar dalalyq baılanys torabyn óristetip, komandalyq-shtabtyq mashınanyń jańǵyrtylǵan jabdyǵyn kórsetti.